Día da Paz (30 Xaneiro)
TRABALLAR POLA PAZ DESDE A CLASE DE RELIXIÓN
Desde a clase de Relixión podemos traballar con todos estes materiais de diversas formas. Ata se poden incorporar algunhas ideas relacionados con eles nos xestos que se leven a cabo o Día da Non violencia e da Paz.
1.- Estes documentos axudarannos a facer unha análise da realidade. Antes, buscaremos que conflitos se dan na actualidade, cales deixaron de existir desde hai 25 anos, cales xurdiron novos ou se manteñen…
2.- Debate: Que poden achegar as relixións á paz? Como? Por que?
3.- Buscamos oracións de diversas relixións pola paz. Algunhas se poden incorporar á mensaxe final do xesto de paz.
4.- Traballamos co Decálogo de Asís pola paz: Que descubrimos nel? Cales son os puntos máis importantes? Cales son os máis urxentes? Todos comezan por comprometernos… Cales deses compromisos podemos asumir nós e como podemos levalos a cabo?
5.- Preparamos a nosa mensaxe de paz. Pode ser en forma de decálogo. Pedimos a firma de profesores e alumnos, proclamámolo nun acto público, enviámolo a outros centros ou aos medios de comunicación para dalo a coñecer.
6.- Suscitamos algunha proposta orixinal de traballo pola paz que implique a cada un, aos demais do grupo e a outras persoas próximas ou non: familiares, actores locais, alcalde, persoas coñecidas, representantes de organismos oficiais ou empresariais.
7.- A partir dos Dez mensaxes clave de Bieito XVI en Asís (2011): destacamos cinco ideas; buscamos 5 propostas e concretamos como levalas a cabo (entre nós ou noutros ámbitos).
8.- Podemos cada punto do Documento “CLAVES PARA O FUTURO DAS RELIXIÓNS” (recórdese que son resumos dunha longa intervención de cada personaxe) e darllo a cada persoa ou a un pequeno grupo: vemos o que di, manifestamos o noso acordo ou desacordo… e respondémoslle cunha breve mensaxe. A quen fariamos chegar cada un deses textos?
9.- Buscamos máis información sobre os encontros pola paz en Asís. En concreto buscamos imaxes e facemos unha pequena presentación.
10.- Buscamos máis información sobre o Día Internacional de Oración pola Paz e presentámola na clase.
DOCUMENTO DA FERE DE GALICIA
VER MÁIS :
xanostesaqui.blogspot.com.es/search/label/D%C3%ADa%20da%20Paz
Quero ter un recordo especial ós meus compañeiros da primeira CXD da nosa diócese de Tui-Vigo:
P.José Luis Rodríguez
Josefa (a "presi")
Esther
Xosefa e Ramón (de Sárdoma)
Marce e María (de Tameiga)
Anxo e Olga (do Cristo da Victoria)
Tali e Toya (parroquia de S.Francisco)
Ollea
Antonio (Porriño)
César (e máis eu, de Maristas)
e, máis tarde,
Raquel (do Sagrado Corazón)
Emilio
que me aprenderon a ser Igrexa, Igrexa galega, sen decatarme.
Un bico da "secre", a que suscribe, Nuria.
Adícolle esta páxina ós que quixeron rezar ó Pai na súa lingua e non puideron. Por todos eles.
Cun recordo especial para a miña familia de Osoño e Vilela (Verín), cos que teño pouco contacto pero grandes lembranzas.
Unha aperta moi especial ós que formaron parte da miña comunidade xuvenil de GJC e do meu corazón (e non quero dicir nomes, porque eramos moitos e non quero esquecer a ninguén, vós sabedes quen sodes).
A "Madre Superiora".